DeIt

Survista dals abunaments

Il sortiment dal BÜGA

BÜGA da basa per:
– persunas creschidas tranter 25 e 64/65 onns
– senioras e seniors che han cumplenì il 64./65. onn da vita
– giuvenils tranter 16 e 25 onns
– uffants tranter 6 e 16 onns

BÜGA-Plus Duo per partenaris
Ina persuna ha in BÜGA da basa u in abunament general svizzer da basa e Vus sco partenaria u sco partenari profitais dal BÜGA-Plus Duo per partenaris. Sche Vus vulais profitar da las cundiziuns da preferenza dal BÜGA-Plus Duo per partenaris, stuais Vus emplenir il formular da la conferma da domicil ed agiuntar quel a l'empustaziun.

BÜGA-Plus Familia per uffants/BÜGA-Plus Familia per giuvenils
Sche Voss uffants e giuvenils en la vegliadetgna da 6 fin 16 onns e da 16 fin 25 onns vivan tar Vus sco geniturs en la medema chasada, survegnan els il BÜGA reducì, sche almain 1 dals geniturs ha in BÜGA da basa u in GA da basa svizzer.

BÜGA-Plus Duo Familia per geniturs
Sco mamma u sco bab profitais Vus d'ina reducziun dal pretsch envers il BÜGA da basa. La premissa per quai è che Vus cumprais ultra dal BÜGA da basa per la mamma u per il bab almain 1 BÜGA per uffants cun la medema durada da validitad.
Sche Vus vulais profitar da las cundiziuns da preferenza dal BÜGA-Plus per partenaris, stuais Vus emplenir il formular da la conferma da domicil ed agiuntar quel a l'empustaziun.

Midada da classa cun il BÜGA-Plus
Sche Vus avais tschernì in BÜGA da l'emprima classa sco BÜGA da basa, pudais Vus cumprar la(s) charta(s) da BÜGA-Plus per l'emprima u per la segunda classa. Sche Vus avais in BÜGA da la segunda classa sco BÜGA da basa, pudais Vus cumprar la(s) charta(s) da BÜGA-Plus mo per la segunda classa. Uffants da 6 fin 16 onns na pajan nagin supplement per ina midada da classa, sch'els èn sin viadi cun in dals geniturs che ha in BÜGA da l'emprima classa valaivel.

Pretschs dal BÜGA 11.12.2016

Pretschs en francs 2. classa 1. classa
BÜGA da basa    
persunas creschidas 1730.00 2800.00
senioras e seniors 1340.00 2070.00
giuvenils, 16–25 onns 1230.00 1940.00
persunas cun impediments 1230.00 1930.00
uffants, 6–16 onns 1100.00 1670.00
BÜGA chauns 440.00 440.00
BÜGA-Plus Duo per partenaris    
BÜGA-Plus Duo per partenaris 1290.00 1950.00
BÜGA-Plus Familia    
BÜGA-Plus Familia per uffants 340.00 1340.00
BÜGA-Plus Familia per giuvenils, 16–25 onns 440.00 1340.00
BÜGA-Plus Duo Familia per partenaris
(mamma u bab, mo sch'i vegn cumprà almain
1 GA per uffants)
940.00 1500.00
BÜGA per 1 mais
persunas creschidas 230.00 330.00
uffants/giuvenils, 6-25 onns 170.00  
Middada da classa
Midada per en di   25.00
Midada per en mais   125.00