DeIt

BÜGA – Il BÜGA permetta il transport liber durant in entir onn

L'abunament general grischun permetta da glischnar sin las rodaglias, rudlar sur las vias u schizunt deterrar dal tuttafatg. Il BÜGA è valaivel sin la rait da la Viafier retica, en ils bus da cumpensaziun ed en il bus da la Viafier retica che maina da Tirano a Lugano sco er en tut ils autos da posta en il Grischun fin a Bogn Ragaz, Bellinzona, Clavenna e Mals. Ultra da quai è il transport liber en ils bus da la citad da Cuira, en ils bus d'Engiadina, cun las interpresas da transport da Tavau, en il bus local da Claustra-Serneus sco er en il bus Silvestri da Zernez a Livigno (durant l'entir onn) e da Livigno a Puntraschigna (durant la stagiun da stad). E vitiers vegn il transport liber sin il traject da las VFF da Cuira – Landquart – Bogn Ragaz e sin il traject da Mustér sin l'Alpsu da la Viafier Matterhorn-Gottard. Gratuitamain pon ins s'auzar cun il BÜGA en la pendiculara da Razén a Veulden.

Per ils trens ed ils bus cun taxas supplementaras valan disposiziuns spezialas. Ils supplements ston vegnir pajads da tut las passagieras e da tut ils passagiers (vesair ils uraris publitgads).

E la culminaziun ...
Cun ina reducziun da 20 fin 50 % sin viadis singuls giais Vus cun bleras telefericas sin ils spitgs dals pizs grischuns. Infurmaziuns davart la valaivladad survegnis Vus directamain tar Vossa teleferica.

Cussegliaziun / reservaziun / vendita
Ulteriuras infurmaziuns survegnis Vus tar tut ils partenaris participads.